Məhlənizdə “Səba” ət və süd dükanı var? - FOTO

“Səba” öz istehsalı olan təzə ət və süd məhsullarını istehlakçıya birbaşa çatdırmaq üçün öz dükanlar şəbəkəsini yaradır. Artıq Abşeron yarımadasında (Bakı, Abşeron rayonu, Sumqayıt) mağazaların sayı 48 olduqdan sonra şirkət bu barədə rəsmi məlumat verməyi qərara alıb.

Şirkətin media ilə əlaqələr xidmətindən verilən məlumata görə, ilin sonunadək bu marketlərin sayı 2 dəfə artırılacaq. Şüarı “Təbiətdən mətbəxə” olan “Səba” öz dükanları ilə məhsulunu gündəlik və təzə olaraq müştərinin mətbəxinə birbaşa çatdırmaq missiyasını yerinə yetirəcək.

Peşəkar satış təlimləri keçmiş qadın satıcıların çalışdığı kiçik “Səba” ət-süd dükanlarının konsepsiyası “Hər zaman əl altında olan doğma məhlə dükanı”dır. Hər səhər təzə toyuq əti, tikələri, içalat, eləcə də “Səba”-nın kəsmik, xama kimi məhsulları ilə təmin olunan dükanlar “az-az, təzə-təzə” prinsipi ilə alış-veriş edən ailələrə ünvanlanıb. Hər günün sonunda dükanın vitrinləri boşaldılır və səhəri gün yeni məhsullarla təmin edilir.

“Şirkətin kəsimxanalarında gecə kəsilmiş quşların əti səhər tezdən - 6 saatı keçmədən “Səba” ət və süd dükanlarında alıcılara çatdırılır. Bu vaxt limiti təzə emal olunmuş süd və süd məhsullarına da aiddir. Məqsədimiz məhsulun soyuq saxlanma həddinə enmədən ehtiyac duymadan istehlakçıya çatdırılmasıdır” – “Səba”-nın Media ilə əlaqələr xidmətindən belə bildirilib.

“Səba” hazırda Azərbaycanın dövlət halal standartına malik yeganə toyuq əti istehsalçısıdır. Azərbaycanın ən iri kənd təsərrüfatı şirkətlərindən olan “Səba”-nın istehsal etdiyi toyuqlar ve emal etdiyi süd Ağcabədi, Beyləqan, Ağsu və Kürdəmir rayonlarındakı 7 min hektar sahəsi olan tarlalarda becərilən qarğıdalı, buğda, soya və digər dənli bitkilərlə bəslənir.