Prezident İlham Əliyevə Respublika Günü ilə bağlı təbrik məktubları gəlməkdə davam edir
Bəhreynin kralı Həməd bin İsa Al-Xəlifə 28 May – Respublika Günü münasibətilə Prezident İlham Əliyevə təbrik məktubu göndərib.
1news.az-ın dövlət başçısının rəsmi saytına istinadən verdiyi xəbərə görə, məktubda deyilir:
“Zati-aliləri.
Dost Azərbaycanın milli bayramı – Respublika Günü münasibətilə Zati-alinizə Bəhreyn Krallığının xalqı adından və şəxsən öz adımdan səmimi təbriklərimi və xoş arzularımı çatdırmaqdan şərəf duyuram.
Bu xoş fürsətdən istifadə edərək Zati-alinizə möhkəm cansağlığı və səadət arzulayır, Azərbaycan xalqına isə müdrik rəhbərliyinizlə davamlı tərəqqi və firavanlıq diləyirəm”.
Qeyd edək ki, İslam Əməkdaşlıq Təşkilatının baş katibi İyad bin Amin Mədəni, MDB Parlamentlərarası Assambleya Şurasının baş katibi Aleksey Sergeyev, Rusiya Rəssamlıq Akademiyasının prezidenti Zurab Sereteli, Birləşmiş Nüvə Tədqiqatları İnstitutunun direktoru, akademik Viktor Matveyev, Rusiya Federasiyasının Dağıstan Respublikası Dərbənd Rayon Bələdiyyə Administrasiyasının rəhbəri Məhəmməd Cəlilov, Ukrayna Dövlət Fiskal Xidmətinin sədri Roman Nəsirov, “Özkaya Group” şirkəti idarə heyətinin sədri Osman Gezeker də dövlət başçımıza təbrik məktubu göndəriblər.
1news.az
