Xorvatiyalı qapıçı rəsmən “Neftçi”də

“Neftçi” növbəti transferini reallaşdırıb.

1news.az-ın klubun rəsmi saytına istinadən verdiyi məlumata görə, flaqman bu dəfə qapı xəttini gücləndirib.

Belə ki, xorvatiyalı qapıçı Krşevan Santini ilə müqavilə bağlayıb.

Qeyd edək ki, peşəkar karyerasına Xorvatiyanın “Zadar” klubunda başlamış qapıçı daha sonra “Seqesta”, “Moslavina”, “İnter” (Zapreşiç) kimi klubların formasını geyinib. 2013-2015-cı illərdə Ukraynada legioner həyatı yaşamış qapıçı "Zarya” klubunun şərəfini qoruyub. Krşevan Santini son olaraq Kiprin “Enosis” klubunda çıxış edib.

1news.az