Rusiyanın XİN rəhbəri Bakı və İrəvanda Qarabağ münaqişəsini müzakirə edəcək
Rusiyanın XİN rəhbəri Serqey Lavrov Dağlıq Qarabağ münqişəsinin həlli çərçivəsində iyulun 4-də İrəvana, sonra isə Bakıya səfər edəcək.
1news.az-ın verdiyi xəbərə görə, bu haqda Elmar Məmmədyarov alman həmkarı Frank-Volter Ştaynmayerlə birgə keçirdiyi mətbuat konfransı zamanı bəyan edib.
S.Lavrovun səfəri haqda razılaşma Azərbaycan və Ermənistan prezidentlərinin iyunun ortasında Sankt-Peterburqda keçirilən görüşü zamanı əldə edilib.
Nazir sözlərinə əlavə edib ki, yaxın zamanda Azərbaycan və Ermənistan prezidentləri İlham Əliyevlə Serj Sarkisyanın növbəti görüşü baş tutacaq:
“Növbəti görüşün Parisdə keçirilməsilə bağlı Fransa tərəfinin təklifi var. Biz bunun əlehinə deyilik. Əsas danışıqların predmeti davam etsin və nəticələr əldə edilsin”.
1news.az
