Səfirlik: Türkiyədə baş verən hadisələr xalqın seçdiyi hökumətə qarşı edilən çevriliş cəhdidir

Türkiyədə baş verən hadisələr xalqın seçdiyi hökumətə qarşı edilən çevriliş cəhdidir. Xalqımız birlik və bərabərlik nümayiş etdirərək buna qarşı çıxıb. Prezidentimiz və hökumətimiz öz vəzifələrini icra etməkdədir.

Bu fikirlər Türkiyənin Azərbaycandakı səfirliyinin açıqlamasında yer alıb.

Açıqlamada deyilir: “Bu, Türkiyə Silahlı Qüvvələrinin bütünlüklə iştirak etdiyi hadisə deyil. Bu, Türkiyə Silahlı Qüvvələrinin daxilindəki bir qrupun işidir və buna xalqımız tərəfindən cavab verilib”.