Azərbaycandan 20 500 dollar çıxartmaq istəyən İran vətəndaşı saxlanılıb – FOTO

Biləsuvar Gömrük İdarəsinin “Qoşa Təpə” Gömrük Postunda Azərbaycandan İrana yüksüz gedən  İran vətəndaşının idarə etdiyi yük avtomobilinə gömrük baxışı keçirilib.

1news.az-ın Dövlət Gömrük Komitəsinə istinadən verdiyi xəbərə görə, yoxlama zamanı avtomobilin kabinindən, sürücü oturacağının üst istiqamətində kabinin tavanına bitişik olan, zavod konstruksiyasında əşyaların saxlancı üçün nəzərdə tutulmuş qutunun içərisindən gömrük nəzarətinə bəyan olunmayan  20 500,0 ABŞ dolları aşkar edilərək götürülüb.

Faktla bağlı araşdırma aparılır.

1news.az