İstanbulda tarixi mitinq başlayır: Azərbaycan bayraqları da meydandadır

Bu gün Türkiyədə son illərin ən böyük mitinqi keçiriləcək.

1news.az xəbər verir ki, İstanbulun Yeniqapı meydanında təşkil edilən mitinqlə bağlı insanların axını müşahidə edilir.

Artıq meydana minlərlə insan yığılıb və 3 saat sonra burada təxminən 5 milyon nümayişçinin cəmlənəcəyi proqnozlaşdırılır.

Mitinq meydanına Türkiyə bayrağı ilə yanaşı Azərbaycan bayraqlarının da gətirilməsi diqqəti cəlb edir. Meydanda Atatürkün və Rəcəb Tayyip Ərdoğanın nəhəng plakatları qaldırılıb.

Siyasi şüarların səsləndirilməyəcəyi mitinqdə ölkənin hakimiyyətdə və müxalifətdə olan əsas 3 partiyasının liderləri iştirak edəcək.

1news.az