Gəncə və Gədəbəydə ümumi çəkisi 2 tona yaxın olan 3284 ədəd çətənə kolu məhv edilib
Polis əməkdaşları Gəncə və Gədəbəydə yabanı halda bitmiş xeyli sayda çətənə kolu aşkar edərək məhv ediblər.
1news.az xəbər verir ki, bu barədə Daxili İşlər Nazirliyindən məlumat veriblər.
Məlumata görə, Nizami (Gəncə) Rayon Polis İdarəsi əməkdaşları tərəfindən Gəncə şəhəri ərazisindən yabanı halda bitmiş, ümumi çəkisi 1 ton 230 kiloqram olan 2830 ədəd çətənə kolları aşkar edilərək məhv edilib.
Eyni zamanda Gədəbəy Rayon Polis Şöbəsi əməkdaşları tərəfindən şəhər ərazisindən yabanı halda bitmiş, ümumi çəkisi 642 kiloqram olan 454 ədəd çətənə kolları aşkar edilərək məhv edilib.
1news.az
600
