Ərdoğan Azərbaycanın beş rayonunun qaytarılması və Bakı-Ankara-Moskva üçtərəfli formatı haqqında
Rusiya-Azərbaycan-İran üçtərəfli formatının yaranmasında sonra, rəsmi Ankara yeni üçtərəfli mexanizmin – Türkiyə-Rusiya-Azərbaycan formalaşdırılmasına təşəbbüs göstərir.
1news.az-ın verdiyi xəbərə görə, bu haqda Türkiyə Prezidenti Rəcəb Tayyib Ərdoğan bəyan edib.
“Təklif edirik ki, Türkiyə-Rusiya-Azərbaycan üçtərəfli mexanizmini yaradaq. Azərbaycan bu məsələyə müsbət yanaşır, Rusiya da həmçinin müsbət reaksiyasını göstərdi”.
Ərdoğan qeyd edib ki, bu məsələ Azərbaycan və Türkiyə XİN rəhbərləri tərəfindən müzakirə olunub:
“Biz həmçinin hörmətli Putinlə bu barədə danışmışıq və müəyyən razılıqlara da gəlmişik. Əsas məqsədimiz – regionda baş verən bütün siyasi prosesləri diqqətlə, yerindəcə izləməkdir”.
“İlk növbədə Qarabağ məsələsi var. Bu məsələdə Türkiyənin də daxil olduğu Minsk qrupunun fəaliyyəti məhsuldar olmalı idi. Lakin son 23-24 ildə onun həmsədrləri - Rusiya, Fransa və ABŞ bu problemi həll etmədi və ya etmək istəmədi”, Ərdoğan sözlərinə əlavə etdi.
Dövlət başçısının sözlərinə görə, əgər söhbət işğaldan gedirsə və bu fakt hər kəs tərəfindən tanınıbsa, o zaman “problem nə üçün həll edilməyib?”.
Bununla yanaşı, Ərdoğan bu məsələdə müəyyən irəliləyişləri də vurğulayıb:
“Hörmətli Putin bu məsələ üzərində çalışır. Eləcə də hörmətli Əliyev həmçinin mənə bunu izah etdi. Düşünürəm ki, ilk növbədə erməni işğalıda olan Azərbaycanın beş rayonu qaytarılarsa, o zaman regionda ciddi normallaşma prosesləri başlaya bilər”.
1news.az
