Putin: Rusiya Dağlıq Qarabağ münaqişəsinin həllinin təminatçısı kimi çıxış edə bilər

Rusiya Dağlıq Qarabağ münaqişəsinin həllinin təminatçısı kimi çıxış edə bilər.

1news.az-ın RİA Novosti-yə istinadla verdiyi xəbərə görə, bunu Rusiya prezidenti Vladimir Putin Ermənistan prezidenti Serj Sarkisyanla görüşündən sonra deyib.

Putin bildirib ki, Rusiya nəticənin əldə olunmasına yönəlik fəaliyyətini davam etdirəcək:

“Qarabağ düyünün açılmasına həm ATƏT-in Minsk qrupu çərçivəsində, həm də İrəvan və Bakı ilə birbaşa təmaslarla hər cür yardım etməyə davam edəcəyik. Ümid edirik ki, Azərbaycan və Ermənistan qalib və məğlub olmadan kompromisli həllə nail ola biləcəklər”.

Putin əlavə edib ki, Rusiya və bəzi digər Minsk qrupu ölkələri Dağlıq Qarabağ münaqişəsinin həllində zamin qismində çıxış edə bilər.

1news.az