Şəkidə maraqlı elan: “Məlumat almaq 1 manat” - VİDEO

Artıq Şəkiyə gələn qonaqlar soruşulan məlumatın satılması ilə bağlı elanla da qarşılaşa bilərlər.

1news.az Kanal S-ə istinadən xəbər verir ki, məlumat əldə etmək 1 manata başa gəlir.

Gün ərzində eyni məzmunlu sualları cavablandırdıqdan sonra Şəki sakinləri belə bir “elan lövhəsi” asmaq qərarına gəlib. Bu yazılanları Şəki zarafatı kimi də qəbul etmək olar. Ancaq elandan sonra ünvan soruşanların sayının azalması heç də hamının eyni fikirdə olmadığını göstərir.

Elanın müəllifi də bunun bir zarafat olduğunu desə də, son günlər elanın sosial şəbəkədə geniş müzakirə edilməsi və müxtəlif şərhlərin yazılması zarafatın birmənalı qarşılanmadığını göstərir.

1news.az