Türkiyədə baş verən terror aktında bir uşaq həlak olub – FOTO – VİDEO – YENİLƏNİB
Diyarbəkirin Qubernator Administratiyası bu gün günorta saatlarında baş verən partlayışla əlaqədar bəyanatla çıxış edib.
Türkiyə mətbuatının yaydığı xəbərə əsasən, minalanmış maşının partlaması nəticəsində 2 polis əməkdaşı, eləcə də bir uşaq həlak olub.
25 nəfər sıravi vətəndaş, həmçinin 8 polis əməkdaşı müxtəlif dərəcəli bədən xəsarətləri alıblar. Onların hamısı xəstəxanaya yerləşdirilib.
Administrasiya qeyd edir ki, qanlı terror aktını Fəhlə Kürd Partiyası (PKK) üzvləri Cinar-Bismil qəsəbələrinin girişində həyata keçirib.
Partlayış yertində dərinliyi 5 metr olan yarğan əmələ gəlib. Hadisə baş verən ərazidəki binalar çoxsaylı zərbələr alıb.
1news.az
16.45
Bu gün günorta saatlarında Türkiyənin Diyabbəkir vilayətində baş verən partlayış nəticəsində ölənlərin sayı üç nəfərə çatıb. Eləcə də, bir polis əməkdaşı da partlayışda həlak olub.
Zərərçəkənlər arasında daha çox polislər yaralanıb.
Hadisə yerinə çoxlu sayda təcili yardım və xilasedici briqadalar cəlb olunub. Yaralı polislər Diyarbəkir və Dəclə Universitetinin tibb fakültəsinə, vətəndaşlar isə - Səlahəddin Eyyubi dövlət xəstənasına yerləşdirilib.
Qeyd edək ki, bu gün saat 13.15 radələrində Diyarbəkrin Çinar və Bismil qəsəbələrinin girişində içərisində bomba olan avtomobillə partlayış törədiblər.
Partlayışdan sonra PPK ilə hüquq-mühafizə orqanları əməkdaşları arasında atışma baş verib. Ərazidə geniş antitterror əməliyyatları başlanılıb.
1news.az
15.41
Türkiyənin Diyarbakır və Mardin bölgələrini birləşidirən avtomobil yolunun üstündə yerləşən Çinar rayonunda yerləşən Murat Uçar Trafik mərkəzində terakt həyata keçirilib.
1news.az-ın Hürriyet-ə istinadən verdiyi məlumata görə, terakt partlayıcı maddə ilə dolu avtomobilin mərkəzə sürülərək partladılması nəticəsində baş verib.
Məlumata əsasən ölən və yaralananlar var.
Partlayış nəticəsində yolda 5 metr enində və 10 metr dərinliyində çuxur əmələ gəlib.
Binanın yaxınlığında yerləşən yanacaqdoldurma məntəqəsində də ciddi ziyan dəyib.
Hadisə yerinə gələn silhalı bölmə ilə terrorçular arasında qısa döyüş baş verib.
Hadisə yerinə çoxlu sayda tibbi yardım avtomobili cəlb dilib.
Hal-hazırda Çinarda antiterror əməliyyatı həyata keçirilir.
1news.az
