Türkiyədə məscidin qübbəsi çökdü: xəsarət alanlar var – FOTO

Türkiyənin Mardin vilayətində tikintisi davam edən məscidin qübbəsi çöküb.

1news.az-ın Türkiyə KİV-lərinə istinadən verdiyi məlumata əsasən, hadisə baş verən zamanı məsciddə işçilər olub.

Qəza nəticəsində həmin işçilərdən bir neçəsi dağıntılar altında qalıb.

Hadisə yerinə xilasedicilər və polis əməkdaşları cəlb edilib.

Dağıntıların altından 5 nəfər yaralı çıxarılıb.

Onlardan 2-nin vəziyyəti ağırdır.

Hadisə ilə bağlı araşdırma başladılıb.

1news.az