Türkiyəyə məxsus qayığın qəzası zamanı ölənlərin sayı artıb – FOTO – VİDEO –YENİLƏNİB
Türkiyənin Dəniz Təhlükəsizliyi xidmətinə məxsus qayıq Qara dəniz istiqamətində hərəkətdə olan yük gəmisi ilə toqquşması zamanı həlak olanların sayı artıb.
1news.az Türkiyə mətbuatına istinadən xəbər verir ki, həkimlərin səyinə baxmayaraq, hadisə nəticəsində qayığın üç ekipajı üzvünü xilas etmək mümkün olmayıb. Xəstəxanaya yerləşdirilmiş digər 3 nəfərin müalicəsi isə davam edir.
Qeyd edək ki, hadisə bu gün baş verib. Toqquşmanın səbəbləri araşdırılır. Hadisə ilə bağlı sularda xilasetmə, dəniz polisi və sahil mühafizə xidməti cəlb edilib. Bosfor boğazı gəmilərin hərəkəri üçün müvəqqəti olaraq dayandırılıb.
1news.az
15.13
Bu gün Dəniz Təhlükəsizliyi xidmətinə məxsus qayıq Qara dəniz istiqamətində hərəkətdə olan yük gəmisi ilə toqquşub.
1news.az Türkiyə mətbuatına istinadən xəbər verir ki, hadisə nəticəsində qayıq 7 nəfərlik ekipajı ilə birlikdə batıb.
Yük gəmisi isə yoluna davam edib.
Hadisə barədə Sahil xidməti məlumatlandırılıb və xilasetmə tədbirləri aparılıb. Ətrafdakı balıqçıların da köməkliyi ilə 6 nəfər boğulmaqdan xilas edilib. Lakin, onların vəziyyətinin kritik olduğu bildirilir. Bir nəfərin həyatını isə xilas etmək mümkün olmayıb.
Sahil xidməti toqquşan qayığın batmaması üçün onu başqa bir gəmiyə bağlayıb.
1news.az
