Bu il istehsal olunmuş ümumi daxili məhsulun 64,8 faizi qeyri-neft sahələrində olub
2016-cı ilin yanvar-iyul aylarında ölkədə 32122,6 milyon manatlıq və ya əvvəlki ilin eyni dövrünə nisbətən 3,0 faiz az ümumi daxili məhsul istehsal edilib.
1news.az xəbər verir ki, bu barədə Dövlət Statistika Komitəsindən məlumat verilib.
Bildirilib ki, zalmanın əsas səbəbi tikinti sektorunda istehsalın 30,7 faiz azalması olub.
Eyni zamanda informasiya və rabitə sahələrində əlavə dəyər 12,5 faiz, turistlərin yerləşdirilməsi və ictimai iaşə sahələrində 3,0 faiz, emal sənayesində 2,8 faiz, kənd təsərrüfatı, meşə təsərrüfatı və balıqçılıq sahələrində 2,6 faiz, mədənçıxarma sənayesində 2,5 faiz, ticarət; nəqliyyat vasitələrinin təmiri sahələrində isə 2,0 faiz artıb.
Komitədən bildirilib ki, cari ilin yanvar-iyul ayları ərzində istehsal olunmuş ümumi daxili məhsulun 35,2 faizi neft-qaz sektorunun, 64,8 faizi isə iqtisadiyyatın qeyri-neft sahələrinin payına düşüb. Bu dövrdə əhalinin hər nəfərinə düşən ümumi daxili məhsul 3340,6 manata bərabər olub.
1news.az
