“Qarabağ” – “Göteborq” matçının biletləri satışda

Avropa Liqasının pley-off mərhələsində keçiriləcək “Qarabağ” - “Göteborq” görüşünün biletləri satışa çıxarılıb.

1news.az xəbər verir ki, cavab matçını izləmək istəyənlər Tofiq Bəhramov adına Respublika stadionunun kassalarına müraciət edə bilərlər.

Biletlərin qiyməti nömrəli sektorlara görə 1-5 manat arası dəyişir. VİP sektoruna giriş isə 30 manatdı.

1-5 və 24-28 nömrəli sektorlar - 1 manat

6-10 və 19-23 nömrəli sektorlar - 2 manat

11-18 nömrəli sektorlar – 5 manat

VİP - 30 manat

Qeyd edək ki, “Qarabağ” – “Göteborq” oyunu avqustun 25-də Respublika stadionunda keçiriləcək.

1news.az