Putin: “Bizim paralimpiyaçılarımız üçün öz Olimpiyadamız olacaq”

Rusiya paralimpiyaçılarının Rio-de-Janeyrodakı Olimpiyadada iştirakına qadağa qoyulandan sonra ölkədə onlar üçün xüsusi yarışlar təşkil ediləcək.

1news.az-ın Rusiya KİV-lərinə istinadən verdiyi məlumata əsasən, bu haqda Vladimir Putin Rusiyanın Olimpiya yığması ilə Kremldə görüşü əsnasında deyib.

Rusiya prezidenti söz verib ki, paralimpiyaçılar uğurlarına görə Rioda çıxış etdikləri kimi mükafatlandırılacaqlar.

“Paralimpiyaçıların diskvalifikasiyası hüquq və mənəviyyatdan kənar bir addımdır. Hirsi, idman həyat mənası olmuş insanların üzərinə tökmək riyakarlıqdır. Mənim belə qərar verən insanlara yazığım gəlir, çünki anlamırılar ki, belə addımla ilk növbədə özlərini alçaldırlar”, - deyə V.Putin vurğulayıb.

1news.az