İranın ən iri qaz yatağında yanğın baş verib

İranın ən iri qaz yataqlarından olan Cənubi Fars yatağında yanğın baş verib.

Məlumata görə, yanğında xəsarət alan yoxdur. Buşer əyalətinin fövqəladə hallar xidmətinin əməkdaşı bildirib ki, yanğın yatağın ərazisindəki qaz tullantıları anbarında baş verib və alovun komleksdəki digər obyektlərə keçmə təhlükəsi yoxdur.

Qeyd edək ki, Cənubi Fars yatağı Fars körfəzinin mərkəzi hissəsində yerləşən ən iri qaz yatağıdır. Yatağın ümumi qaz ehtiyatı 12 trilyon kubmetrdir.

RİA Novosti