Kəşmirdə baş verən atışmada 2 pakistanlı hərbçi həlak olub

Mübahisəli Azadi Kəşmir ərazisindən keçən de-fakto sərhəddə Hindistan və Pakistan ordusu arasında atışma baş verib.

1news.az-ın Reuters-ə istinadən verdiyi məlumatına əsasən, atışma Bhimber, Hot Spring, Kel və Lipa sektorlarında 6 saat ərzində davam edib.

Atışma nəticəsində 2 pakistanlı hərbçinin qətlə yetirildiyi bildirilir.

Qeyd edək ki, həm Hindistan, həm də Pakistan Kəşmir bölgəsini öz ərazisi hesab edir və bu münaqişə 60 ildən çoxdur ki davam edir.

1news.az