“Türk axını” layihəsinin tikilmə müddəti açıqlandı

“Türk axını” boru kəmərənin tikilməsi 2017-ci ildə başlayacaq.

1news.az-ın Rusiya KİV-lərinə istinadən verdiyi məlumatına əsasən, bu haqda ölkənin energetika naziri Aleksandr Novak bildirib.

Boru kəmərinin tikintisinin bitməsi 2019-cu ilə planlaşdırılıb.

“Qazprom” layihənin əsas sərmayəçisi və gələcəkdə qaz borusunun dənizdən keçən hissəsinin yeganə sahibi olacaq. Türkiyəli tərəfdaşlarımızla danişiqlar konsturktiv zəmində keçir, işlər isə qrafikdən kənara çıxmır”, - deyə F.Novak əlavə edib.

Xatırladaq ki, daha əvvəl “Qazprom”-un rəhbəri Aleksey Miller şirkətin layihənin həyata keçirilmə tarixini sürətləndirə biləcəyini bildirmişdi.

1news.az