Azelia Benks: “Rassel Krou mənə fiziki təzyiq göstərib”

Məşhur ABŞ repçisi Azelia Benks məşhur avstraliyalı Hollivud aktyoru Rassel Krounu ona fiziki təzyiq göstərməkdə günahlandırıb.

1news.az-ın verdiyi məlumatına əsasən, Benks öz facebook səhifəsində Krounun həmçinin onu təhqir etdiyini bildirib.

“Bu gecə Rassel Krou tərəfindən təşkil edilən yığıncağa qatıldım. O məni təhqir etdi, boğazımdan yapışaraq çölə qovdu və üzümə tüpürdü. Otaqda olan başqa bir adam isə bu olanlara laqeyd qaldı. Özümü çox bərbad hiss edirəm”, - deyə Benks yazıb.

Yığıncaqda iştirak etmiş digər insanlar isə Benksin özünü aqressiv apardığını bildiriblər.

Maraqlı olan odur ki, bir müddət sonra A.Benks facebook-da bölüşdüyü bu paylaşımı silib.

1news.az