WikiLeaks Obamanın yazışmalarını dərc etməyə başladı: əsas mövzulardan biri Türkiyədir

WikiLeaks saytı ABŞ prezidenti ilə bağlı yazışmaları dərc etməyə başlayıb.

1news.az-ın Lenta.ru-ya istinadən verdiyi məlumata əsasən, hal-hazırda saytda 7 məktub dərc edilib.

Bunlardan 3-ü 2008-ci il noyabrın 4-də Obama prezident seçilən gün göndərilib.

Məktubların çoxunu demokrat düşərgənin fəallarından biri Con Podesta göndərib.

Bu yazışmalarda nüvə energetikası, faydalı qazıntıların hasilindən Klinton fonduna xeyriyyə yatırımı ilə bağlı məsələlər müzakirə edilib.

Həmçinin məktubların bir hissəsi Türkiyə, onun Suriya münaqişəsindəki maraqları və terrorla mübarizədə roluna həsr edilib.

1news.az