“Biz bu qanlı terror cinayətini qətiyyətlə və qeyd-şərtsiz pisləyirik” - İlham Əliyev

Azərbaycan prezidenti İlham Əliyev Rusiya prezidenti Vladimir Putinə başsağlığı verib.

1news.az dövlət başçısının saytına istinadən xəbər verir ki, prezidentin başsağlığı məktubunda aşağıdakılar bildirilir:

“Rusiya Federasiyasının Türkiyə Respublikasındakı fövqəladə və səlahiyyətli səfiri Andrey Gennadyeviç Karlovun faciəli ölümü barədə xəbər məni dərindən sarsıtdı. Biz bu qanlı terror cinayətini qətiyyətlə və qeyd-şərtsiz pisləyirik. Sizə, həlak olmuş səfirin ailəsinə, doğmalarına və yaxınlarına dərin hüznlə başsağlığı verirəm”.