“Metropark” yaxınlığında baş verən partlayışın ilkin səbəbi məlum olub - YENİLƏNİB
Bakının Narimanov rayonunda “Metropark” ticarət və əyləncə mərkəzinin yaxınlığınd, dörd mərtəbəli yaşayış binasının qarşısındakı avtomobil qarajında baş verib.
Hadisə “Metropark” ticarət mərkəzinin yaxınlığında, Faiq Yusifov küçəsi, 43 ünvanında əvvəllər qazanxana kimi fəaliyyət göstərən tikilidə qeydə alınıb.
Məlumata görə, ərazidə pilot layihə həyata keçirilir və "Rahatlığın məkanı" tikinti şirkəti söküntü işləri aparır. Qazanxananın işlədiyi dövrdən qalan köhnə mazut çənini həyətdən çıxarmaq mümkün olmadığından, çən şirkət əməkdaşları tərəfindən yandırılıb. Lakin çənin qapağı bağlı olduğundan, güclü partlayış olub.
Partlayış nəticəsində ətrafdakı tikililərə və avtomobillərə ziyan dəyib.
Hadisə yerinə FHN-in Dövlət Yanğından Mühafizə Xidmətinin texnika və canlı qüvvəsi, eləcə də, hüquq-mühafizə orqanlarının, Nərimanov Rayon İcra Hakimiyyətinin nümayəndələri gəliblər.
Partlayış nəticəsində başlayan yanğın söndürülüb, partlayışın səbəbləri ilə bağlı araşdırmalara başlanılıb.
20.44
Bakının Narimanov rayonunda “Metropark” ticarət və əyləncə mərkəzinin yaxınlığında dörd mərtəbəli yaşayış binasının qarşısındakı avtomobil qarajında baş verib.
Yanğın zamanı alov ətrafa yayılaraq, qarajın yaxınlığında dayanmış “Volkswagen” markalı avtomobilə keçib. Nəticədə, avtomobilin mühərrik hissəsi yanıb.
Partlayış zamanı xəsarət alan olmayıb. Yanğının baş vermə səbəbi müəyyənləşdirilir.
APA
