Rusiya prezidentinin xüsusi nümayəndəsi və Sankt-Peterburqun qubernatoru İlham Əliyevi təbrik ediblər

Rusiya prezidentinin beynəlxalq mədəni əməkdaşlıq üzrə xüsusi nümayəndəsi Mixail Şvıdkoy doğum günü münasibətilə Prezident İlham Əliyevə təbrik məktubu göndərib.

1news.az-ın dövlət başçısının rəsmi saytına istinadən verdiyi xəbərə görə, məktubda deyilir:

“Zati-aliləri, möhtərəm İlham Heydər oğlu,

Doğum gününüz münasibətilə ən səmimi təbriklərimi qəbul edin.

Artıq çoxdandır ki, bu gün sadəcə Sizin ailənizin bayramı deyildir. Bu günü təkcə Azərbaycanda deyil, həm də Sizin həmvətənlərinizin yaşayıb-yaratdıqları dünyanın bir çox ölkələrində qeyd edirlər. Bu günü ölkəmizin dostu, böyük dövlət xadimi, tarixi sınaqlar dövründə Azərbaycanı qoruyub saxlayan atanızın – görkəmli siyasi xadim Heydər Əlirza oğlu Əliyevin xatirəsinin yaşadığı Rusiyada da qeyd edirlər.

Sizin prezidentliyiniz illərində Azərbaycan bütün dünyada zəngin tarixi və çoxəsrlik ənənələri olan, dinamik inkişaf edən bir ölkə kimi tanınıb. Ölkənin sosial-iqtisadi inkişafında xidmətləriniz şəksizdir, Sizin müdrikliyiniz və çoxşaxəli istedadınız heyranlıq doğurur.

Sizə və yaxınlarınıza möhkəm cansağlığı, səadət və firavanlıq arzu edirəm.

Bu xoş fürsətdən istifadə edib, Sizi qarşıdan gələn Yeni il münasibətilə ürəkdən təbrik etmək istəyirəm. Əminəm ki, bu il Azərbaycan xalqına yeni-yeni uğurlar bəxş edəcək”.

Bundan başqa Sankt-Peterburqun qubernatoru Qriqori Poltavçenko da Prezident İlham Əliyevə təbrik məktubu göndərərək ona ən xoş arzularını çatdırıb.

1news.az