Bakıda dəm qazından boğulan 5 kamerunlunun ölümü ilə bağlı rəsmi məlumat yayılıb

Daxili İşlər Nazirliyi (DİN) Azərbaycanda dəm qazından boğulan Kamerun vətəndaşlarının ölümü ilə bağlı məlumat yayıb.

1news.az DİN-ə istinadən xəbər verir ki, yanvarın 1-də Kamerun vətəndaşı Njonjoh Hans Ekumun Yasamal rayonu ərazisində kirayə yaşadığı evdə onun və həmyerliləri Nzemele Esambe Linus, Senan Hke, Takem Paul Atah və Nikvanti Nombe Levisevin üzərlərində zorakılıq əlamətləri görünməyən meyitləri tapılıb.

Onların dəm qazından zəhərlənərək ölmələri ehtimal olunur.

Araşdırmalar zamanı evin hamam otağında olan su qızdırıcı qurğunun yanaraq yararsız hala düşməsi müəyyən edilib.

Faktla bağlı araşdırma aparılır.

1news.az