Prezident İlham Əliyev Şəhidlər Xiyabanını ziyarət edib
Prezident İlham Əliyev yanvarın 20-də - Ümumxalq Hüzn Günündə Şəhidlər Xiyabanını ziyarət edib.
1news.az-ın məlumatına görə, “Əbədi məşəl” kompleksi önünə əklil qoyan dövlətimizin başçısı, vətən yolunda qurban getmiş şəhidlərin xatirəsinə ehtiramını bildirib.
Müdafiə Nazirliyinin əlahiddə nümunəvi hərbi orkestrinin ifasında Azərbaycanın dövlət himni səslənib.
Prezident İlham Əliyevlə yanaşı dövlət və hökumət rəsmiləri, respublikamızdakı dini icmaların başçıları, xarici ölkələrin Azərbaycandakı səfirləri, beynəlxalq təşkilatların nümayəndələri də şəhidlərin əziz xatirəsini yad etməyə gəliblər.
Şəhidlər Xiyabanının ziyarət olunması mərasimində baş nazir Artur Rasizadə, Milli Məclisin sədri Oqtay Əsədov, Prezident Administrasiyasının rəhbəri Ramiz Mehdiyev iştirak edibilər.
1news.az
