Prezident İlham Əliyev Həsən Ruhaniyə başsağlığı verib

Azərbaycan prezidenti İlham Əliyev İran İslam Respublikasının prezidenti Həsən Ruhaniyə başsağlığı verib.

1news.az dövlət başçısının saytına istinadən xəbər verir ki, başsağlığı məktubunda deyilir:

“Hörmətli cənab Prezident,

Tehranda çoxmərtəbəli binanın çökməsi nəticəsində insanların həlak olması xəbəri məni olduqca kədərləndirdi.

Bu faciə ilə əlaqədar Sizə, həlak olanların ailələrinə və yaxınlarına, bütün İran xalqına öz adımdan və Azərbaycan xalqı adından dərin hüznlə başsağlığı verir, yaralananlara və xəsarət alanlara şəfa diləyirəm.

Allah rəhmət eləsin!”

Qeyd edək ki, binanın çökməsi nəticəsində 50-dən çox insan ölüb, xeyli insan yaralanıb.

1news.az