Hikmət Hacıyev: Ermənistanın etibarsız, qeyri-ciddi ölkəyə çevrilməsində Nalbandyanın böyük “xidmətləri” var | 1news.az | Xəbərlər
Müsahibə

Hikmət Hacıyev: Ermənistanın etibarsız, qeyri-ciddi ölkəyə çevrilməsində Nalbandyanın böyük “xidmətləri” var

13:14 - 03 / 03 / 2017
Hikmət Hacıyev: Ermənistanın etibarsız, qeyri-ciddi ölkəyə çevrilməsində Nalbandyanın böyük “xidmətləri” var

Xarici İşlər Nazirliyinin mətbuat xidmətinin rəhbəri Hikmət Hacıyevin APA-ya müsahibəni təqdim edirik:

- Ermənistan xarici işlər naziri Edvar Nalbandyanın son açıqlamasını necə şərh edərdiniz?

- Edvard Nalbandyanın yubiley əhval ruhiyyəsini pozmaq istəməzdik, belə ki, o Ermənistanda qeyd olunan diplomatiya günündə həmkarları qarşısında öyünməyə çalışaraq Ermənistanın “uğurlu” xarici siyasətindən danışıb. Nalbandyanın nazir statusunda səkkiz illik fəaliyyəti dövründə Ermənistan daha da təcrid olunmuş vəziyyətə düşüb. Ermənistan bu gün etibarsız, qeyri-ciddi və öz mövqeyi olmayan tərəf kimi qəbul olunur ki, nəticə etibarilə bunda da Nalbandyanın “xidmətləri” böyükdür. Ümumiyyətlə, Ermənistanda hakimiyyət başında olan hərbi diktatura rejiminin Ermənistanı sürətli şəkildə fəlakətə və tənəzzülə apardığı hər kəsə, xüsusilə erməni xalqına aydındır.

- Nalbandyan ilin sonuna kimi qondarma rejimin ən azı bir dövlət tərəfindən tanınacağına dair proqnoz verir.

- Bütün beynəlxalq ictimaiyyət Azərbaycanın beynəlxalq səviyyədə tanınmış sərhədləri daxilində ərazi bütövlüyü və suverenliyini tanıyır və dəstəkləyir. Münaqişənin həllinin əsasını təşkil edən BMT Təhlükəsizlik Şurasının qətnamələrində Azərbaycanın ərazi bütövlüyü və suverenliyi bir daha təsbit olunur və güc tətbiq edərək ərazi əldə edilməsinin qəbuledilməzliyi bir daha vurğulanır. Ermənistanın Azərbaycana qarşı güc tətbiq edərək işğal və hərbi təcavüz nəticəsində yaratdığı qondarma rejimi beynəlxalq hüququn norma və prinsiplərinə, BMT Təhlükəsizlik Şurasının qətnamələrinə zidd olaraq, heç bir dövlət tanımayıb və tanımayacaq. Bu gün təxribatla məşğul olmaq əvəzinə regionda davamlı sülhü təmin etmək üçün Ermənistan münaqişənin həllinə səy göstərməlidir.

- Münaqişənin həlli ilə əlaqədar danışıqlar prosesi getdiyi halda, qondarma “referendum”un keçirilməsi, Ermənistan səfirlərinin işğal olunmuş ərazilərə səfəri, Ermənistanın qanunsuz rejimi tanıtmaq cəhdləri, cəbhə xəttində törətdiyi təxribatları nədən xəbər verir?

- Bu, bir daha açıq şəkildə onu göstərir ki, Ermənistanın danışıqlar prosesində iştirakı qeyri-ciddi və imitasiya xarakteri daşıyır. Ermənistanın əsl məqsədi işğal edilmiş Azərbaycan ərazilərinin ilhaqının həyata keçirilməsidir.  

Bir tərəfdən Ermənistan xarici işlər naziri riyakarcasına Ermənistanın ATƏT-in Minsk Qrupunun həmsədrlərinin vasitəçiliyi ilə danışıqlar prosesində iştirakından danışır, digər tərəfdən bu kimi təxribat əməlləri ilə Minsk Qrupunun həmsədrlərinin fəaliyyətini və ümumiyyətlə danışıqlar prosesini pozur. Danışıqlar prosesində irəliləyişin olmamasının səbəbi də bundadır. Azərbaycan dəfələrlə bildirib ki, Ermənistanın cəzasızlıq sindromuna son qoymaq və münaqişənin tezliklə həlli məqsədilə danışıqlarda ciddi surətdə iştirak etməsi üçün Ermənistana zəruri siyasi-diplomatik təzyiqlər göstərilməlidir.

APA

Paylaş:
637

Son xəbərlər

Erməni deputat istefa verdiBu gün, 11:13Mingəçevirdə narkotikə görə 11 nəfər saxlanılıb - FOTOBu gün, 11:06”Bu faciəvi haldır” - Britaniya səfirindən Azərbaycana dəstəkBu gün, 11:03Məktəbdə şagird sinif yoldaşını döyüb videoya çəkdi - YENİLƏNİB - VİDEOBu gün, 10:49Sumqayıtda 20 gün əvvəl itkin düşmüş 81 yaşlı kişinin qətlinin təfərrüatları açıqlanıb - YENİLƏNİBBu gün, 10:46Kamaləddin Qafarov: “Zəfər yürüşü Lələtəpədən başladı...”Bu gün, 10:42İsmayıllıda məktəbli bıçaqlandıBu gün, 10:39Bu gün görkəmli bəstəkar Tofiq Quliyevin anım günüdürBu gün, 10:35Prezident İlham Əliyev Səudiyyə Ərəbistanı Krallığının xarici işlər nazirini qəbul edibBu gün, 10:31Son iki ildə 2 uşaq insan alveri qurbanı olubBu gün, 10:17“Bunu təzədən edəcəyəm” - BaydenBu gün, 10:00Azərbaycanın turizm çarxını müsabiqədə birinci edək - VİDEOBu gün, 09:47Azərbaycan Mərkəzi Bankının valyuta məzənnələriBu gün, 09:30Azərbaycan nefti bahalaşıbBu gün, 09:27Cəbrayılın işğaldan azad edilməsindən 2 il ötürBu gün, 09:16Bakının bu küçələrində sıxlıq varBu gün, 09:15Azərbaycan XİN məlumat yayıbBu gün, 09:13Kəlbəcər və Tovuz istiqamətlərində mövqelərimiz atəşə tutulubBu gün, 09:09Azərbaycanın İraqdakı səfirliyinin təşəbbüsü ilə kərküklü şagirdlərə yardım göndərilib03 / 10 / 2022, 18:40Yevlaxda 15 yaşlı gənci intihar həddinə çatdıran şəxs həbs edilib03 / 10 / 2022, 17:36
Bütün xəbərlər

Next TV