Nəqliyyat, rabitə və yüksək texnologiyalar naziri İmişlidə vətəndaşları qəbul edəcək

Nəqliyyat, rabitə və yüksək texnologiyalar naziri Ramin Quluzadə martın 10-da saat 14.00-da İmişlidə vətəndaşları qəbul edəcək.

Nazirlikdən 1news.az-a verilən məlumata görə, qəbulda İmişli, Ağcabədi, Beyləqan, Zərdab, Füzuli, Laçın və Xocavənd rayonlarının sakinlərinə göstərilən nəqliyyat, telekommunikasiya (o cümlədən, internet, televiziya və radio yayımı) və poçt xidmətlərinin keyfiyyəti, xidmət mədəniyyəti və bu sahədə bölgələrdə əhalini maraqlandıran digər məsələlərlə bağlı müraciətləri dinləniləcək.

Vətəndaşlar qəbula yazılmaq üçün “[email protected]” elektron poçt ünvanı, 1655 “Çağrı Mərkəzi”, (012) 598 38 18 nömrəli telefon vasitəsilə (regionlardan edilən zənglər pulsuzdur) əlaqə saxlaya bilər.

Eyni zamanda, qəbula gəlmək istəyən vətəndaşlar zərurət yaranarsa, yaşadıqları ərazinin poçt və telefon qovşaqları tərəfindən nəqliyyat vasitələri ilə təmin olunacaq. Bunun üçün İmişli rayonunda (021) 2464366, Ağcabədi rayonunda (021) 2755299, Beyləqan rayonunda (021) 2253233, Zərdab rayonunda (020) 2964299, Füzuli rayonunda (026) 3155160, Laçın rayonu üzrə (021) 2778202 və Xocavənd rayonu üzrə (021) 2235448 nömrəli telefonlara zəng etmək olar.

1news.az