Azərbaycanda kişidən həyat yoldaşına qeyri-adi 8 mart hədiyyəsi - Xanımına böyrəyini bağışladı - VİDEO

Kişidən həyat yoldaşına qeyri-adi 8 mart hədiyyəsi. O, 21 illik xanımına bayram hədiyyəsi kimi öz böyrəyini bağışlayıb.

1news.az xezerxeber.az-a istinadən xəbər verir ki, uzun müddətdir həyat yoldaşının böyrək çatışmazlığından əziyyət çəkdiyini görən Amin Quliyev onun dərdinə dərman olmaq qərarına gəlib.

Amin Quliyev eşitdiyi bir xəbərdən sonra qərarını daha da qətiləşdirib. O, Səhiyyə Nazirliyinə müraciət edərək böyrək köçürülməsi ilə bağlı dövlət proqramından istifadə edib.

Həyat yoldaşından belə bir hədiyyə Arzu Quliyevaya gözlənilməz olub. Hətta eşidəndə çaş-baş qalıb.

Uğurlu əməliyyat 8 Mart qadınlar günü ərəfəsində gerçəkləşib və cütlüyün vəziyyəti normaldır.

Fədakarlıq nümunəsinə imza atan ailə Siyəzəndə yaşayır və onların 4 övladı var. Həyat yoldaşının böyrəyi ilə sanki yenidən dünyaya gələn Arzu Quliyeva belə hədiyyəni heç vaxt unuda bilməyəcəyini deyir.

Mövzu ilə bağlı daha ətraflı videomaterialı təqdim edirik:

1news.az