Bu gün daha iki dövlət müəssisəsi özəlləşdirilib

Əmlak Məsələləri Dövlət Komitəsi ictimai nəzarət və şəffaflıq prinsiplərinin tətbiqi ilə keçirdiyi açıq hərracları davam etdirir.

1news.az-ın məlumatına görə, Komitə tərəfindən 7 mart tarixində keçirilən hərracda 2 kiçik dövlət müəssisəsi və 7 istifadəsiz qeyri-yaşayış sahəsi özəlləşdirilib.

Qeyd edək ki, hərrac barədə elan bir ay öncə komitənin rəsmi internet səhifəsi, Özəlləşdirmə portalı (privatization.az) və facebook səhifəsində yerləşdirilib. Mütəmadi yenilənən bu internet resursları vasitəsilə həm hərraca çıxarılan və həm də baş tutmuş hərraclarda satılmış əmlaklar haqqında ətraflı məlumat almaq mümkündür. Keçirilən hərracların nəticələri tanış olmaq üçün aşağıdakı linkdən istifadə etmək kifayətdir: ( https://goo.gl/DfQWxE ).

Komitədən veürilən məlumata görə, tamamilə açıq və şəffaf şəraitdə keçirilən hərracda sifariş verib iştirakçı statusu qazanan vətəndaşlardan əlavə, hərracla maraqlanan insanlar da iştirak edərək hərrac prosesini müşahidə ediblər. Hərrac günü böyük monitorlarda komitənin Özəlləşdirmə Portalı (privatization.az) üzərindən hərraca çıxarılmış əmlaklar və iştirak prosedurları barədə qısa məlumat verilib.

Hərracda özəlləşdirilmiş qeyri-yaşayış sahələrinin hamısı paytaxtda yerləşir. Özəlləşdirilmiş qeyri-yaşayış sahələri paytaxtın əsasən Suraxanı, Yasamal, Binəqədi, Nizami, Nərimanov rayonlarında yerləşir.

Regionlarda özəlləşdirilən kiçik dövlət müəssisə və obyektlərinə Göygöl rayonunda yerləşən 21 saylı yanacaq doldurma məntəqəsi aiddir.

Hərrac proseduruna əsasən qaliblərlə hərrac protokolu və alqı-satqı müqaviləsi imzalanıb. Xatırladaq ki, hərracdan sonra qanunvericiliyə uyğun olaraq bir neçə gün ərzində əmlak sahibləri mülkiyyəti təsdiq edən çıxarışlarla da təmin olunur.

Xatırladaq ki, növbəti belə hərrac 14 mart tarixində keçiriləcək. Bu tarixdə keçiriləcək hərracla aşağıdakı linkdə tanış ola bilərsiniz:

http://www.privatization.az/index.php/az/component/content/article?layout=edit&id=1408

Qeyd edək ki, hərracda iştirak üçün komitənin elektron xidməti (www.e-emdk.gov.az) üzərindən sifariş vermək və əmlakın hərracdakı satış qiymətinin 10%-i məbləğində behi bank vasitəsilə ödəmək kifayət edir. Hərracda iştirak edən lakin qalib olmayan sifarişçi hərrac bitdikdən sonra 10 gün müddətində komitəyə müraciət edərək ödənilmiş behi geri ala bilər.

Hərrac prosedurları barədə hər bir məlumatı 193 və (012) 566 07 44 nömrəli çağrı mərkəzlərində almaq mümkündür.

1news.az