Duqin: Azərbaycanın ərazi bütövlüyü Rusiyadan asılıdır

Moskvanın Azərbaycanın ərazi bütövlüyünü tanıması Ermənistan-Azərbaycan münaqişəsinin həlli məsələsində əsas arqumentdir.

1news.az-ın İnterfaks-Azərbaycan-a istinadla verdiyi xəbərə görə, bunu rusiyalı ictimai xadim və politoloq Aleksandr Duqin deyib:

“Rusiyanın Azərbaycanın ərazi bütövlüyünü tanıması əsas arqumentdir ki, bu ərazi bütövlüyü mövcuddur. Əgər Rusiya bunu Azərbaycanın ərazi bütövlüyü kimi tanıyırsa, deməli bu aparıcı məsələdir”.

Onun sözlərinə görə, dövlətlərin ərazi bütövlüyünün tanınması məsələsində rəsmi Moskvanın mövqeyini nəzərə almaq vacibdir:

“Belə bir qənaətə gəlmişəm. Postsovet dövlətlərinin ərazi bütövlüyü Rusiyadan asılıdır. Əgər münasibətlər yaxşı olarsa, deməli ərazi bütövlüyü də möhkəm olacaq. Əgər münasibətlər pis olarsa, vəziyyət son həddə çataraq asanlıqla qırıla bilər”.

Duqin qeyd edib ki, Bakıda Rusiyanın həm Azərbaycanın, həm də Ermənistanın dost və müttəfiqi olmasını yaxşı anlayırlar:

 “Rusiya öz milli maraqlarına uyğun hərəkət edir. Bəli, biz Ermənistanla müttəfiq və dostuq. Lakin bundan nəticə çıxarmaq olmaz ki, biz Azərbaycanın rəqibi və ya opponentiyik. Biz, elə Azərbaycanın da dost və müttəfiqiyik. Əgər bu münasibətdə tarazlığı saxlaya bilsək, beş rayon məsələsi də öz həllini tapacaq. Lakin Qarabağ məsələsi ilə vəziyyət təxirə salınacaq”.

O, qeyd edib ki, danışıqların hazırki mərhələsində Ermənistan tərəfindən Azərbaycanın işğal olunmuş beş rayonunun qaytarılmasıdır:

“Anlamaq lazımdır ki, beş rayon məsələsi günü əsas mövzusudur. Daha iki rayon (Laçın və Kəlbəcər) daha sonrakı vaxtın müzakirə mövzusudur. Oradakı vəziyyət daha mürəkkəbdir. Əgər vəziyyət çətinləşməsə, heç kəs qarşısına tələblər qoyulmasa, proses qırılmasa düşünürəm ki, hər şey müsbət həllini tapa bilər”.

S.Xankişiyeva