Səfir: “Azərbaycanın İslam həmrəyliyinin gücləndirilməsi uğrunda səylərini yüksək dəyərləndiririk” | 1news.az | Xəbərlər
Müsahibə

Səfir: “Azərbaycanın İslam həmrəyliyinin gücləndirilməsi uğrunda səylərini yüksək dəyərləndiririk”

10:20 - 05 / 05 / 2017
Səfir: “Azərbaycanın İslam həmrəyliyinin gücləndirilməsi uğrunda səylərini yüksək dəyərləndiririk”

Bakıda keçiriləcək IV İslam Həmrəyliyi Oyunları ərəfəsində 1news.az səfirlərlə silsilə müsahibəni davam etdirir. Növbəti müsahibimiz Səudiyyə Ərəbistanı Krallığının Azərbaycandakı fövqəladə və səlahiyyətli səfiri cənab Müsaid bin İbrahim əs-Süleymdir.

- Cənab səfir, bu ay Azərbaycanda keçiriləcək İslam Həmrəyliyi Oyunlarında Səudiyyə Ərəbistanı Krallığı necə təmsil olunacaq?

- Azərbaycanın keçirdiyi bu böyük beynəlxalq idman tədbirində təmsil olunmaq üçün Səudiyyə Ərəbistanı Krallığı bütün lazımi tədbirləri həyata keçirib. Ölkəm IV İslam Həmrəyliyi Oyunlarına böyük nümayəndə heyəti ilə qatılacaq. Təxminən 300 nəfərdən ibarət olacaq idmançılar Təşkilat Komitəsinin təsdiq etdiyi əksər idman növləri üzrə çıxış edəcəklər.

- Azərbaycanda bu yarışlara hazırlıq səviyyəsi barədə nə deyə bilərsiniz?

- Biz Azərbaycan rəhbərliyinin bu Oyunlara böyük diqqət və qayğı göstərməsinə şahid olmuşuq. Bu məqsədlə müxtəlif sahələrdə görülən hazırlıq işlərindən olduqca razıyıq. İstər İslam Həmrəyliyi İdman Federasiyası, istərsə də Səudiyyə Ərəbistanı Milli Olimpiya Komitəsi bu çərçivədə görülən işlərin səviyyəsini yüksək qiymətləndiriblər. Ümidvarıq ki, Azərbaycan yarışları çox mükəmməl və layiqli formada təşkil edəcək. Çünki, Azərbaycan bundan əvvəl də Avropa Oyunları kimi böyük idman tədbirləri keçirib və bu oyunların təşkilində çox böyük uğur qazanıb.

- Sizin fikrinizcə, bu tədbir Azərbaycanın ümumilikdə İslam dünyası ilə əlaqələrinin inkişafına necə təsir edəcək?

- Biz Azərbaycan Respublikasının müsəlman ölkələr arasında islam həmrəyliyinin gücləndirilməsi uğrunda göstərdiyi bütün səyləri yüksək dəyərləndiririk. Bu Oyunlarla eyni zamanda Prezident İlham Əliyev tərəfindən 2017-ci ilin Azərbaycanda “İslam Həmrəyliyi ili” elan edilməsi Azərbaycan Respublikasının bu işə göstərdiyi diqqəti əks etdirir.

Əvvəllər də ölkəniz İslam Əməkdaşlıq Təşkilatının bir neçə nazirlər toplantısına ev sahibliyi edib, İslam dünyasının problemlərinə həsr olunan beynəlxalq konfranslar keçirib. İslam dünyasına aid problemlərin həllində Azərbaycanın oynadığı fəal rol, heç şübhəsiz onun bütün müsəlman dövlətləri ilə əlaqələrinin güclənməsinə təsir edəcək və onu regionun əmin-aman, inkişaf edən gözəl ölkəsi kimi tanıdacaq, nüfuzunu daha da artıracaq.

- Səudiyyə Ərəbistanından olan idmançıların şanslarını necə qiymətləndirirsiniz?

- Səudiyyə Ərəbistanı idmançılarının hazırlıq səviyyəsi olduqca yüksəkdir. Ancaq bu Oyunların “Həmrəylik Oyunları” olduğunu nəzərə alaraq, bu tədbirdə iştirak edəcək bütün müsəlman ölkələrinə və onların idmançılarına uğurlar diləyirik. İstərdik ki, oyunlar xeyirli işlərin başlanğıcı olsun, müsəlman ölkə və xalqları arasında İslam həmrəyliyinə önəmli töhfə versin.

- Səudiyyəli turistlərin oyunları izləmək üçün Bakıya gəlişi gözlənilirmi?

- Bəli, gözlənilir. Çünki, Azərbaycan hökumət qurumlarının həyata keçirdiyi təşəkkürə layiq son tədbirlər, o cümlədən ölkəmdən gələn turistlər üçün yaxşı imkanlar yaratmaq, viza rejimini asanlaşdırmaq və digər işlərdən sonra Azərbaycana gələn səudiyyəli turistlərin sayında nəzərəçarpacaq artım müşahidə edirik.

Belə ki, ilin əvvəlindən bu yana Azərbaycana 8 min səudiyyəli turist gəlib. Allah qoysa, cari ilin axırına onların sayını 20 minə çatdırmağa çalışacağıq.

Pərvanə Sultanova

Paylaş:
731

Son xəbərlər

Dünya birjalarında neftin bu günə olan qiymətiBu gün, 11:28Ölkədə ən çox yağıntı bu ərazilərə düşüb – FAKTİKİ HAVABu gün, 11:23Daha bir məktəbdə biabırçılıq: Sinfi dağıdır, müəllimi qovurlar - VİDEOBu gün, 11:20Bakının məşhur stadionu sökülür?Bu gün, 11:12Ölkədə koronavirusa yoluxanların 3 faizi uşaqlardırBu gün, 11:00Bakıda uşaq bağçalarından silsilə oğurluqlar edən şəxslər saxlanılıblar - FOTOBu gün, 10:59Prezident Ümumdünya Gömrük Təşkilatının Baş katibini videoformatda qəbul edib - FOTOBu gün, 10:56VTB (Azərbaycan) nağd kreditin maksimal məbləğini artırdıBu gün, 10:55Monetar siyasət iqtisadiyyatın dayanıqlılığının əsas faktorudurBu gün, 10:53Bakıda daha bir məktəb distant tədrisə keçibBu gün, 10:41Lənkəranda narkotacir ana və oğul saxlanılıb – FOTOBu gün, 10:35Manatın xarici valyutalara qarşı rəsmi məzənnəsiBu gün, 10:34Azərbaycanda koronavirusun ən çox yayıldığı bölgələr açıqlanıb – STATİSTİKABu gün, 10:26DYP piyada işıqforları ilə bağlı vətəndaşlara xəbərdarlıq edibBu gün, 10:22DİN avtobusda və taksidə əxlaqsız hərəkətlər edən şəxslərlə bağlı araşdıma aparır - VİDEOBu gün, 09:57Korçay qoruğunun mühafizə rejimini pozan şəxslər cəzalandırılıbBu gün, 09:46Ötən gün 20 nəfər toya buraxılmadıBu gün, 09:16Salyanda elektriki cərəyan vurduBu gün, 09:11Qırğızıstan-Tacikistan sərhədində atışma: yaralıların sayı 17-yə çatıb, 1 nəfər ölübBu gün, 09:04Zəngilan Hava Limanı beynəlxalq məkan indeksləri kataloquna daxil edilibBu gün, 09:01
Bütün xəbərlər

Next TV