“Bakı-2017”nin paraatletika yarışlarında Azərbaycanın 5-ci qızıl medalı

Azərbaycan idmançıları İslamiadanın beşinci  gününə qızıl medalla start veriblər.

1news.az  xəbər verir ki, kişi paralimpiyaçılar arasında F57 kateqoriyasında lövhə atma yarışında 45,17 metr nəticə göstərən Samir Nəbiyev özünün ikinci qızıl medalını qazanıb.

Lövhə atma yarışında gümüş medala iordaniyalı Amer Abdelaziz, bürünc medala isə Misir təmsilçisi Metava Abouelkhir layiq görülüb.

Xatırladaq ki, Samir Nəbiyev mayın 16-da atletika yarışının birinci günündə kürəitələmə üzrə İslamiadanın çempionu olub.

Pərvanə Sultanova