Corc Soros terrorçu elan edilə bilər
Ameikalı milyarder Corc Sorosun terrorçu elan olunması ilə bağlı Donald Trampa ünvanlanan petisiyanı imzalayanların sayı 100 min nəfərə çatıb.
1news.az RİA "Novosti"yə istinadən xəbər verir ki, müvafiq petisiya Ağ evin rəsmi saytında yerləşdirilib.
ABŞ prezidentinin administrasiyası tərəfindən petisiyaya sentyabrın 19-da baxılacaq.
Petisiyanın mətnində qeyd edilib ki, Soros mütəmadi qaydada və bilərəkdən ABŞ-dakı stabilliyi pozmağa yönəlmiş addımlar atıb. Petisiyanın müəllifləri hesab edir ki, ABŞ-ın federal hökuməti və Ədliyyə Nazirliyi Sorosu və onun bütün təşkilatlarını terrorçu elan etməlidir. Bununla yanaşı, təşəbbüskarlar milyarderin əmlakının və aktivlərinin müsadirəsi ilə bağlı da çağırış edib.
Corc Soros məşhur milyarder və maliyyəçidir. Onun fəaliyyəti müəyyən dairələrdə birmənalı qarşılanmır: bəziləri milyarderi maliyyə möhtəkiri (spekulyantı) adlandırır. Sorosun "Quantum" şirkəti 40 illik fəaliyyəti ərzində hec fondlar üçün rekord hesab olunan 35 mlrd. dollar qazanıb. İddia olunur ki, təkcə ABŞ-dakı ipoteka böhranı dövründə biznesmen 2 il ərzində 1 mlrd. dollar gəlir əldə edib.
Bundan başqa, Sorosun adı tez-tez siyasi qalmaqallarda da hallanır. Milyarderin təşkilatları bir sıra ölkələrdə dövlət çevrilişinin maliyyələşdirilməsində ittiham olunub.
1news.az
