Rusiya helikopteri Norveç sahilləri yaxınlığında dənizə düşüb

Rusiya helikopteri Norveçdə, Barents dənizindəki Şpitsbergen arxipelaqında yerləşən Barentsburq yaşayış məntəqəsi yaxınlığında dənizə düşüb.

1news.az-ın “RİA Novosti”yə istinadən verdiyi xəbərə görə, bu barədə Norveç Xilasetmə Xidməti öz “Twitter” səhifəsində yazıb.

Xəbərdə bildirilir ki, helikopterin göyərtəsində 8 nəfər olub: “Rusiya helikopteri Barentsburq adasından 2-3 kilometr aralıda dənizə düşüb. Onun göyərtəsində 8 nəfər olub. Şimali Norveçin Xilasetmə Xidməti əməliyyat aparır. Hadisənin təfərrüatları barədə məlumat verilmir”.

1news.az