Start Up. Bal Studiosla toyunuzu unudulmaz edin – FOTO – VİDEO | 1news.az | Xəbərlər
Müsahibə

Start Up. Bal Studiosla toyunuzu unudulmaz edin – FOTO – VİDEO

15:45 - 30 / 10 / 2017
Start Up. Bal Studiosla toyunuzu unudulmaz edin – FOTO – VİDEO

Toy mərasimi demək olar ki, hər bir insanın həyatında ən əlamətdar hadisədir. Onu hazırlanmasına bir neçə ay vaxt sərf etmək lazım gəlir.

Buna görə də, yeni evlənənlərin qarşısında duran əsas vəzifələrdən biri, uzun illər sonra bu sehirli günə fikrən də olsa qayıda bilmək üçün baş verənlərin düzgün şəkildə çəkilməsidir.

Son vaxtlar çəkilişlərin “Wedding highlighs” adlanan üslubu geniş yayılıb. Nəticədə, müştəri ənənəvi yeni evlənənlərə verilmiş iki saatlıq video deyil, həyatının ən xoşbəxt gününün ən canlı, emosional və parlaq anlarına diqqət çəkən üç dəqiqəlik qısa video əldə edir.

Azərbaycanda bir çox videoqraflar bu cür xidmətlər təklif edirlər. Ancaq bu gün sizi bir az fərqli formatda çalışan və yalnız gözəl reportaj videoları deyil, sənədli filmə bənzər videolar yaradan gənclərlə tanış etmək istərdik.

Onların işinə baxarkən sanki çox sayda qonaq, çiçək tağı, üç mərtəbəli tort və üzüyün yalnız bəzəyə çevrildiyi iki sevgilinin təcrid olunmuş dünyasına səyahət edirsən.

Unudulmaz videoların yaradılması sahəsində ixtisaslaşan “Bal Studios” şirkətinin fərqləndirici xüsusiyyətləri barədə 1news.az-ın müxbirinə onun təsisçiləri olan Eltun Baxışzadə və Ramin Əliyev məlumat veriblər.

Müsahiblərimizin qeyd etdikləri kimi, Ramin sahibkarlıq və tədbirlərin təşkili ilə bağlı təcrübəyə malikdir. Eltun isə sənədli filmlər üzrə rejissor kimi tanınır. Buna görə də onlar öz bacarıqlarını birləşdirərək birgə uğurlu layihə təqdim etdilər.

“Bizim komandamız kifayət qədər uzun müddətdir ki, mövcuddur. Şirkətimizi sevgi ilə balın birləşməsini tərənnüm edən “Bal Studios” adlandırmağa qərar verdik. Çünki “bal ayı”, “bal kimi sevgi”, “bal kimi oyuncaq” kimi fikirlər var. Studiyada istehsal etdiyimiz hər şeyi bal kimi də adlandırmaq olar”- deyir Eltun.

Komandanın üstünlüklərindən biri də çəkiliş zamanı mərasimin keçirilməsinə mane olmamasıdır. Belə ki, qonaqlar davamlı olaraq ətraflarında fotoqrafların və operatorların işləməsinin fərqində belə olmurlar. Bu ona görə belə olur ki, uşaqlar əvvəldən axıra kimi bütün mərasimi, məsələn, paytaxt salatının yeyilməsini və yaxud uzun sürən ləzginka rəqsini deyil, toyun ancaq ən maraqlı anlarını lentə alırlar.

“Bal Studios”un fərqləndirici özəlliklərindən biri də ondan ibarətdir ki, çəkilişlər adi kamera ilə deyil, daha keyfiyyətli məzmun əldə etməyə imkan verən kinokameralar vasitəsilə həyata keçirilir.

“İlk növbədə cütlüklərlə tanış olur, onlar arasında hansı münasibətlərin olmasını aydınlaşdırmağa çalışırıq. Sonra isə birgə səy göstərməklə uyğun olan süjet fikirləşirik. Onu da deyim ki, biz ancaq toyları deyil, eyni zamanda iki insanın duyğusunu büruzə verən fərdi “Love story”lər də çəkirik. Çəkiliş məkanına gəlincə, bu sahədə geniş seçim imkanımız var. Sifarişçilərin əksəriyyəti əlbəttə ki, şəhərdə çəkilməyə üstünlük verirlər. Lakin biz onlara mənzərəli məkanlarda çəkiliş aparmağı da təklif edirik”- deyə, Ramin bildirir.

Bütün bunlarla yanaşı uşaqlar sənədli ailə filmləri də çəkə bilərlər. Misal üçün, bu yaxınlarda onlar atanın 20 yaşlı qızının doğum gününə həsr etdiyi maraqlı video təqdim ediblər. Bu videoçarxda ata qızını necə böyük məhəbbətlə sevdiyini və onunla fəxr etdiyini bildirir. Yaxın qonaqların iştirakı ilə keçən doğum günündə bu videonun göstərilməsi isə qızı üçün əsl sürpriz olub və o göz yaşlarını saxlaya bilməyib.

“Bizim məqsədimiz öz videolarımızla insanlarda yaxşı duyğular, emosiyalar yaratmaqdır. İnsana mərasimdə baş verən hadisələri yaşamağa, təsiredici video yazan atanın və ya sevənlərin duyğularını hiss etməyə imkan verə bilmək üçün əlimizdən gələni edirik. Qiymətlərə gəlincə, onlar olduqca demokratikdir. Daha aydın desək, şirkətimiz fotoqrafla videoqraf xidmətlərini birgə elə qiymət təklif edir ki, adətən həmin qiymətə bu xidmətlərdən yalnız birini sifariş vermək mümkündür”- deyə, şirkətin baş redaktor kimi videoçəkilişə cavabdeh olan Eltun bildirib.

Müsahiblərimizin sözlərinə görə, onlar əcnəbi fotoqraf və videoqraflarla da əməkdaşlıq edirlər. Belə ki, onların Birləşmiş Ərəb Əmirlikləri, İspaniya, Rusiya və digər ölkələrdə çoxlu tərəfdaşları var. Buna görə də əgər müştərilərdən kimsə mərasiminə əcnəbi mütəxəssisləri dəvət etmək istəsə, onların iş üslubuna və yaradıcı yanaşmasına üstünlük versə, “Bal Studios”a müraciət edə bilər. Burada ona əcnəbi mütəxəssislərlə əlaqə yaratmağa kömək edəcəklər.

Bəzən də elə olur ki, onların özlərini çəkilişa aparmaları üçün xaricə dəvət edirlər. Misal üçün, gələn ilin əvvəlində onlar iki gəncin toy mərasimini lentə almaq üçün Praqaya səfər edəcəklər.

“Eyni zamanda biz Şirvanşahlar sarayı, Qız qalası kimi yerlərdə toy mərasimi təşkil edə bilərik. Ofisimiz İçərişəhərdə yerləşdiyindən “İçərişəhər” Dövlət Tarix-Memarlıq Qoruğu İdarəsinin rəhbərliyi ilə əməkdaşlıq edirik. Buna görə də burada yerləşən muzeylərdə nəinki çəkilişlər, həmçinin tədbirlər təşkil etməyə imkanımız olur”- deyə, Ramin əlavə edir.

Sonra uşaqlar daha bir fərqli xüsusiyyətlərindən söhbət açdılar. İlk baxışdan bu bir qədər gülməli görünsə də, əslində toy şənliyində ümumi təəssüratı poza bilər. Söhbət toy kortejində iştirakdan gedir.

“Toy kortejlərinin çəkilişini müşahidə edərkən tez-tez hansısa səbəbdən köhnə, çirkli maşınlar görürük. Onların açıq baqaj bölməsində isə operator çiynində kamera ilə bəylə gəlinin olduğu avtomobili çəkir. Bizim işimizdə isə bu tamamilə fərqlidir. Əvvəla, bizim kortejdə əla görünən bir neçə gözəl idman avtomobilimiz var. İkincisi isə, digərlərindən fərqli olaraq biz korteji bir deyil, bir neçə nöqtədən çəkirik”- deyə, Eltun qeyd edir.

Son olaraq qeyd etmək istəyirik ki, “Bal Studios”un ofisində rahatlıq atmosferi hökm sürür. Uşaqların sözlərinə görə, onlar özləri bu cür mühit yaradıblar ki, bura gələnlər özlərini rahat hiss etsinlər.

İş prosesinə gəlincə isə, müsahiblərimiz videonun süjetindən tutmuş onun tamamlanmasına kimi olan müddətdə müştəriyə maksimum müsbət emosiya vəd edirlər. Və əlbəttə ki, sonda əldə edəcəyiniz videomaterialın bal kimi şirin olacağına təminat verilir.

“Sosial şəbəkələrdəki səhifələrmizdə tez-tez tərəfdaşlarımızla birgə hazırladığımız aksiyalar haqqında məlumatlar yayımlanacaq. Aksiyalar pulsuz çəkilişlər, xaricə səfərlər, bahalı hədiyyələr və sairədən ibarət olacaq. “Bal Studios” ancaq adi şirkət deyil. Bu tezliklə hər yerdə olacaq və öz varlığı ilə insanlara xeyir gətirəcək böyük bir layihədir. Ümid edirik ki, bu layihə ilə zəfərlər bayramına yeni rənglər qatacağıq”- deyə, müsahiblərimiz vurğuladılar.

Mətn: Leyla Məmmədova

Video: Sabir Rəsulov

Foto: Ülvi Daşdəmirli

Paylaş:
1358

Sizin üçün xəbərlər

Son xəbərlər

İki ali məktəbə prorektor təyin edilib28 / 03 / 2024, 17:58Himayədar ailə olma zamanı tibbi müayinə pulsuz olacaq28 / 03 / 2024, 17:51Qubanın bir hissəsinin qaz təchizatında fasilə yaranacaq28 / 03 / 2024, 17:466 aylıq körpə bacısının dırnağını ağzına saldı, xəstəxanalıq oldu28 / 03 / 2024, 17:37Əməkdar artist Rahib Əliyev vəfat edib28 / 03 / 2024, 17:28CAR lideri Prezident İlham Əliyevi təbrik edib28 / 03 / 2024, 17:21Taksilərlə bağlı tələblər müəyyənləşdi - 15 il, kamera, “avro-5”, elektrik mühərrikli - ŞƏRTLƏR28 / 03 / 2024, 16:47Bakı ətrafında dəmir yolu ilə sərnişindaşımaya subsidiya verilməsi qaydaları təsdiqlənib28 / 03 / 2024, 16:34Taksi minik avtomobilləri ağ və ya qırmızı rənglərdə olacaq28 / 03 / 2024, 16:21Builki bayram günlərində yol qəzalarında ölüm faktı 36 faiz azalıb28 / 03 / 2024, 16:06“Azərbaycan Sənaye Bankı” tələbləri pozdu, AMB məcburi sərəmcam verdi28 / 03 / 2024, 15:57FHN və ADY birgə təlim keçirib - FOTO - VİDEO28 / 03 / 2024, 15:34Vilayət Eyvazov Şamaxıda vətəndaşları qəbul edib28 / 03 / 2024, 15:18Bayram günlərində “Azərpoçt”un xidmətlərindən 400 mindən çox vətəndaş istifadə edib28 / 03 / 2024, 15:08“YAŞAT” Fondu müharibə əlilinə dəstək verib28 / 03 / 2024, 14:36“Azərişıq” Göyçayda yenidənqurma işlərinə başlayıb - VİDEO28 / 03 / 2024, 14:30Ekspert taksi islahatlarından danışdı: Birdən-birə 40 min nəfəri işsiz qoymaq doğru deyil28 / 03 / 2024, 14:29Könül Nurullayeva: “ABŞ-Ermənistan-Avropa İttifaqı hərbi paktı regionda sabitliyə, sülhə qarşı yönəlib”28 / 03 / 2024, 14:13Azərbaycanda 23 yeni narkotik vasitə qadağan edilmiş maddələrin siyahısına əlavə olundu28 / 03 / 2024, 13:23Bakı şəhər “Lifttəmir” İB-nin direktoruna şiddətli töhmət verilib, 2 nəfər vəzifəsindən kənarlaşdırılıb28 / 03 / 2024, 13:10
Bütün xəbərlər