Dirk Shuebel: Avropa İttifaqı olaraq Dağlıq Qarbağda baş verən cinayət və zorakılıqları qətiyyətlə qınayırıq
Bu gün Avropa Komissiyası Rusiya, Şərq Tərəfdaşlığı, Mərkəzi Asiya ölkələri üzrə direktorluğundan Dirk Shuebel Dünya Azərbaycanlıları Assambleyası rəhbəri Rəşad Quliyevə məktub göndərib.
1news.az-a Dünya Azərbaycanlıları Assambleyasının mətbuat xidmətindən verilən xəbərə görə, məktubda qeyd olunur:
“Avropa Komissiyası Prezidenti, Jean Claude Junckerə 17 oktyabrda ünvanladığınız məktuba görə sizə təşəkkür edirik. Bu məktubu Prezidentin xahişi ilə sizə cavablandırıram.
Bu məsələ konkret olaraq 2015-ci ilin Şərq Tərəfdaşlığı sammitində qəbul olunmuş deklarasiyada qeyd olunduğu kimi, biz Azərbaycanın beynəlxalq səviyyədə qəbul olunmuş ərazi bütövlüyünə, suverenliyinə hörmətlə yanaşırıq.
Eyni zamanda, bu açıqlama ilə Avropa Şurasının prezidenti Donald Tuskun 2017-ci ilin fevralında Brüsseldə keçirilən sammit zamanı çıxışında bir daha qeyd olunub. Avropa İttifaqı Dağlıq Qarabağ münaqişəsi zamanı Ermənistan tərəfindən zorakılıq və cinayət hallarına dərin təəssüflə yanaşmaqla yanaşı və bu halları qınayır.
2016-cı ilin aprel hadisələri zamanı münaqişə bölgəsində baş vermiş silahlı toqquşma və silahlı qarşıdurma bir daha bunu göstərir ki, bölgədə vəziyyət gərgindir və bu münaqişə hər an qızışa bilər. Baş verəcək silahlı insidentin bölgənin stabilliyinə ciddi zərbə olacağından Avropa İttifaqı ciddi narahatçılıq keçirir.
Avropa İttifaqı bu münaqişənin həllinin sülhlə həll olmasına çalışır, ancaq bu o demək deyil ki, status-kvo bucür davam etməlidir. Bu münaqişənin yeganə həll yolu beynəlxalq hüquq çərçivəsində həll olunmasıdır.
Qeyd edək ki, Dünya Azərbaycanlıları Assambleyası rəhbəri Rəşad Quliyev 17 oktyabr tarixində Avropa Komissiyası rəhbərinə bu ilin noyabrında Brüsseldə keçiriləcək Avropa Birliyi sammitində Ermənistanla imzalanacaq əməkdaşlıq müqaviləsi çərçivəsində Avropa Komissiyasından 80 milyon dəstək alacağı ilə bağlı sorğu göndərmişdi. Bu sorğuda işğalçı ölkəyə dəsətəklərin verilməsinin nəyə xidmət etməsi ilə bağlı Komissiya rəhbərinə suallar ünvanlanmışdı.
S.Xankişiyeva
