Bakı Metrosunda “Köhnə Bakı” adlı sərgi təşkil ediləcək

Noyabrın 1-də saat 11:00-da metronun “Nəriman Nərimanov” stansiyasının keçidlərində növbəti sərgi baş tutacaq.

1news.az xəbər verir ki, bu barədə “Bakı Metropoliteni” QSC-nin mətbuat xidmətinin rəhbəri Nəsimi Paşayev deyib.

O bildirib ki, “Metro Gallery” layihəsi çərçivəsində baş tutacaq növbəti sərgi “Köhnə Bakı” adlanır. Adından da göründüyü kimi sərgidə paytaxtımızın köhnə görüntülərinin əks olunduğu fotoşəkillər nümayiş olunacaq. Bakı metrosundan istifadə edən sərnişinlər tarixə ekskursiya edərək köhnə Bakını xatirələrdə canlandıra biləcəklər.

Babək Cahandarov