Abşeronda polis bölməsində qumbara tapılıb

Abşeron rayonu Mehdiabad qəsəbəsində əl qumbarası aşkarlanıb.

1news.az-a ANAMA-nın mətbuat xidmətindən verilən xəbərə görə, bu gün Mehdiabaddakı Polis Bölməsindən agentliyə 1 ədəd əl qumbarasının aşkar olunması barədə məlumat daxil olub.

Məlumata əsasən, ANAMA-nın xüsusi mobil çevik əməliyyat qrupu dərhal həmin əraziyə göndərilib.

Agentliyin mütəxəssisləri tərəfindən yuxarıda adı qeyd olunmuş polis bölməsindən 1 ədəd F-1 əl qumbarası götürülərək zərərsizləşdirilməsi üçün Agentliyin mərkəzi məhvetmə ərazisinə daşınıb.

S.Xankişiyeva