Azarkeşlər futbolçuları döydülər

Futbol üzrə İtaliya B Seriyasında çıxış edən "Askoli"nin qapıçısı Vinçentso Venditti və yarımmüdafiəçi Samuele Parlati komandanın azarkeşləri tərəfindən döyülüb. 

1news.az Report-a istinadən xəbər verir ki, futbolçular 0:1 hesabı ilə uduzduqları "Venetsiya" ilə oyundan qayıtdıqları vaxt onların üzərinə 10 nəfərlik qrup hücum edib. Onların sifətləri "Askoli"nin şarflarına bürünmüş vəziyyətdə olub. 

Döyülən oyunçulardan komandaya hədə dolu sözlər çatdırmalarını istəyiblər. Parlati indiyədək cəmi 6 dəfə meydanda olub. Komandanın ikinci qapıçısı olan Venditti isə oyunlarda iştirak etməyib. 

Qeyd edək ki, "Askoli" 30 turdan sonra 26 xalla sonuncu pillədə gedir. 

1news.az