“Milan” Qattuzo ilə yeni müqavilə imzaladı

“Milan” rəhbərliyi komandanın baş məşqçisi Cennaro Qattuzo ilə bağlı qərar verib.

1news.az-ın klubun saytına istinadən yaydığı xəbərə görə, gənc məşqçinin müqavilə müddəti 2021-ci ilin iyun ayına qədər uzadılıb.

İtaliya mətbuatı yeni müqavilənin şərtinə görə, Qattuzonun ilinə 2 milyon avro qazanacağını yazıb.

Qeyd edək ki, İtaliya millisinin sabiq üzvü 1999-2012-ci illərdə “Milan”da çıxış edib. 2013-cü ildən məşqçiliyə başlayan veteran yarımmüdafiəçi ötən ildən “Milan”ı çalışdırır.

1news.az