“Roma” “Barselona”nı darmadağın elədi, “Liverpul” yenə qalib gəldi – VİDEO

Çempionlar Liqasında yarımfinal mərhələsinin ilk cavab görüşləri keçirilib.

1news.az-ın məlumatına görə, günün ən maraqlı oyunu Romada baş tutub. Səfərdə “Barselona”ya 1:4 hesabı ilə uduzan paytaxtın eyniadlı komandası doğma divarlar arasında rəqibini darmadağın edərək yarımfinala vəsiqə qazanıb.

Günün digər qarşılaşması İngiltərədə keçirilib. Evdə keçirdiyi ilk oyunda “Mançester Siti”nin qapısından üç cavabsız top keçirən “Liverpul” cavcab qarşılaşmasında da rəqibindən güclü olub – 2:1. Nəticədə “Liverpul” komandası da adını yarımfinala yazdıran tərəf olub.

Qeyd edək ki, 1/4 finalın digər iki cavab oyunu bu gün keçiriləcək. “Bavariya” “Sevilya”nı (ilk oyun 2:1), “Real” isə “Yuventus”u (ilk oyun 3:0) qəbul edəcək.

Çempionlar Liqası

1/4 final (cavab oyunları)

10 aprel

“Roma” (İtaliya) – “Barselona” (İspaniya) - 3:0

Qollar: Ceko, 6, De Rossi, 58 (pen.), Manolas, 82

Baş hakim: Klemen Turpin (Fransa)

Roma. Olimpiya Stadionu

İlk oyun – 1:4

“Mançester Siti” (İngiltərə) – “Liverpul” (İngiltərə) - 1:2

Qollar: Qabriel Jesus, 2 - Salah, 57, Firmino, 76

Baş hakim: Antonio Mateu Lahoz (İspaniya)

Mançester. Şəhər stadionu

İlk oyun – 0:3

1news.az