Azərbaycan kuboku: “Keşlə” “Sumqayıt”a, “Neftçi” “Qəbələ”yə qalib gəldi - VİDEO
Azərbaycan kubokunda yarımfinal mərhələsinə start verilib.
1news.az-ın məlumatına görə, mərhələnin ilk oyunları keçirilib.
Günün ilk qarşılaşmasında “Keşlə” son vaxtlar yaxşı oyun sərgiləyən, 2018-ci ildə məğlubiyyət üzü görməyən “Sumqayıt”ı qəbul edib və 1:0 hesabı ilə qalib gəlib.
Digər görüş isə Qəbələdə keçirilib. Qış fasiləsindən sonra sabit oyunu ilə fərqlənən “Neftçi” “Qəbələ”nin qonağı olub və 2:1 hesabı ilə qalib gəlib.
Qeyd edək ki, komandalar arasında cavab oyunları aprelin 18-də baş tutacaq.
Azərbaycan kuboku
Yarımfinal mərhələsi, ilk oyunlar
12 aprel (cümə axşamı)
“Qəbələ” – “Neftçi” - 1:2
Qollar: Monroz, 90+1 - Lukas Qomes, 29; Namiq Ələskərov, 45
“Keşlə” – “Sumqayıt” - 1:0
Qol: Sezar Meza kolli, 90+1
1news.az
