Çempionlar Liqasının yarımfinal mərhələsinin püşkü atılıb
Aprelin 13-də İsveçrənin Nyon şəhərində futbol üzrə UEFA Çempionlar Liqasının yarımfinal mərhələsinin püşkatma mərasimi keçirilib.
1news.az-ın məlumatına görə, püşk yarımfinala vəsiqə qazanan İngiltərənin “Liverpul”, İtaliyanın “Roma”, İspaniyanın “Real Madrid” və Almaniyanın “Bavariya” komandaları arasında atılıb.
Püşkün nəticələrinə əsasən, yarımfinalda “Bavariya” ilə “Real Madrid” və “Liverpul”la “Roma” komandaları qarşılaşacaqlar.
Bu mərhələnin ilk oyunları aprelin 24 və 25-də, cavab görüşləri mayın 1 və 2-də keçiriləcək. Final qarşılaşması isə mayın 26-da Kiyev şəhərində oynanılacaq.
Püşkatma mərasimində UEFA Çempionlar Liqasının kuboku bu turnirin final matçının səfiri, ukraina milli komandasının baş məşqçisi Andrey Şevçenkoya təqdim edilib.
Çempionlar Liqası
Yarımfinal
“Bavariya” (Almaniya) - “Real” (İspaniya)
“Liverpul” (İngiltərə) - “Roma” (İtaliya)
1news.az
