“SOCAR Turkey Enerji” TANAP-dan 7% pay alıb
“SOCAR Türkiyədəki törəməsi “SOCAR Turkey Enerji A.Ş” Azərbaycan qazının Türkiyəyə və buradan Avropaya nəqli üçün inşa olunan Trans Anadolu Boru Kəməri (TANAP) layihəsində hissədar olub”.
1news.az-ın APA-ya istinadən verdiyi xəbərə görə, bunu Trans-Anadolu Qaz Boru Kəməri (TANAP) Konsorsiumunun baş direktoru Saltuk Düzyol bu gün keçirdiyi brifinqdə jurnalistlərə bildirib.
Onun sözlərinə görə, “SOCAR Turkey Enerji”nin TANAP-da 7% pay alması üçün işlər bu ilin martın sonunda yekunlaşıb.
Maliyyə məsələlərinə toxunan Saltuk Düzyolun sözlərinə görə, bu günə qədər TANAP-ın tikintisinə 5,6 milyard dollar xərclənib. Bu layihə ilə bağlı xarici banklardan 3,75 mlrd. dollar kredit cəlb edilib.
Baş direktor bildirib ki, bu layihənin xərclərin 7,99 milyard dollar olacağı qiymətləndirilir:
“Bu günə qədər Trans-Anadolu Qaz Boru Kəmərinin (TANAP) tikintisində 82 165 299 insan saat iş işlənilib. İnşaat işlərində 1 mln. 310 min ton kəmər qaynaq edilib”.
1news.az