Avropa Liqasında finalçılar məlum oldu – VİDEO

Avropa Liqasında yarımfinal mərhələsinin cavab görüşləri keçirilib.

1news.az-ın məlumatına görə, günün daha çox maraq doğuran qarşılaşması Madriddə baş tutub. Belə ki, ilk oyunda “Arsenal”la 1:1 hesablı bərabərliyə qalan “Atletiko” bu dəfə rəqibi ilə doğma arenada üz-üzə gəlib.

Maraqlı və gərgin mübarozə şəraitində keçən oyunun, həm də cütün taleyini bir qol həll edib. Meydan sahiblərinin hücumçusu Dieqo Kosta ilk hissənin son dəqiqəsində fərqlənərək komandasını finala çıxarıb.

Avropa Liqasında mövsümün sürpriz komandası hesab olunan “Zalsburq” isə doğma arenada “Marsel”i qonaq edib.

Səfərdə keçirdiyi ilk oyunda 0:2 hesabı ilə məğlub olan meydan sahibləri cavab qarşılaşmasında rəqibinə qalib gəlsə də, iki oyunun nəticəsinə görə finalın bir addımlığında mübarizəni dayandırmalı olub. “Marsel” isə finala vəsiqə qazanaraq “Atletiko”ya rəqib olub.

Qeyd edək ki, “Atletiko” və “Marsel” komandaları arasında final görüşü mayın 16-da Fransanın Lion şəhərində keçiriləcək.

Avropa Liqası

Yarımfinal, cavab oyunları

3 may

“Atletiko” (Madrid, İspaniya) – “Arsenal” (London, İngiltərə) - 1:0

Qol: Dieqo Kosta, 45+2

Baş hakim: Canluka Rokki (İtaliya)

Madrid, “Vanda Metropolitano” stadionu

İlk oyun: 1:1

“Zalsburq” (Avstriya) – “Marsel” (Fransa) - 2:1 (əlavə vaxt)

Qollar: Haydara, 53, Şaqler, 65 - Rolando, 116

Baş hakim: Sergey Karasyov (Rusiya)

Zalsburq, “Redd Bull Arena”

İlk oyun: 0:2

1news.az