Finalçıların dueli: “Marsel” “Atletiko”ya qarşı
Bu gün futbol üzrə UEFA Avropa Liqasının final oyunu keçiriləcək.
1news.az-ın məlumatına görə, qitənin ikinci dərəcəli klub turnirinin qalibi Fransanın Lion şəhərində müəyyənləşəcək.
Bakı vaxtı ilə saat 22:45-də başlayacaq həlledici görüşdə Fransa “Marsel”i ilə İspaniya “Atletiko”su üz-üzə gələcək.
1992/1993-cü il mövsümündə Çempionlar Liqasını qazanan Fransa təmsilçisi finala qədər irəlilədiyi digər üç imkandan yararlana bilməyib. UEFA kubokunda iki belə uğursuzluğu olan “Marsel” ilk dəfə Avropa Liqasının qalibi olmağa çalışacaq.
“Atletiko” isə 6-cı kuboku qazanmaq əzmindədi. Madridlilər Avropa Liqası və Superkubokun hərəsində 2, Kuboklar kubokunda bir uğur əldə edib. İspaniya klubu 1986-cı ildə Kuboklar kubokunun finalında Kiyev “Dinamo”suna 0:3 hesabı ilə uduzduğu stadionda ikinci cəhdini gerçəkləşdirəcək.
Qeyd edək ki, “Marsel” qələbə qazansa, Çempionlar Liqasının qrupuna vəsiqəni də təmin edəcək.
UEFA Avropa Liqası
Final
16 may
22:45. “Marsel” (Fransa) - “Atletiko” (İspaniya)
Baş hakim: Byörn Kuypers (Hollandiya)
Lion, “Park Olimpik Lion”
1news.az
