“Qarabağ” BATE ilə ilk dueldən məğlub ayrıldı
Çempionlar Liqasının 3-cü təsnifat mərhələsinə start verilib.
1news.az-ın məlumatına görə, turnirdə ölkəmizi təmsil edən “Qarabağ” da meydana çıxıb.
Qurban Qurbanovun yetirmələri Tofiq Bəhramov adına Respublika stadionunda Belarusun BATE klubunu qəbul ediblər.
Görüşün taleyini bir qol həll edib. Belə ki, BATE-nin oyunçusu Draqun 36-cı dəqiqədə vurduğu qolla komandasına qələbə qazandırıb.
Qeyd edək ki, komandalar arasında cavab oyunu avqustun 14-də Belarusda oynanılacaq.
“Qarabağ” - BATE cütünün qalibi pley-off-da Hollandiyanın PSV klubu ilə qarşılaşacaq.
7 avqust
Çempionlar Liqası
3-cü təsnifat mərhələsinin ilk oyun
“Qarabağ” (Azərbaycan) - BATE (Belarus) - 0:1
Qol: Draqun, 36
Hakimlər: Andreas Ekberq, Mehmet Kulum, Stefan Hallberq, Kristofer Karlsson (hamısı İsveç)
Bakı. Tofiq Bəhramov adına Respublika stadionu
1news.az
